वुंगद्य (रातो मछिन्द्रनाथ) जात्रा सुरु
काठमाडौं । वुंगद्य (रातो मछिन्द्रनाथ) जात्रा बुधवारबाट ललितपुरमा सुरु भएको छ ।
उपत्यकाको ऐतिहासिक जात्रा रातो मछिन्द्रनाथको जात्रालाई ६ महिनासम्म लागिरहने जात्रा भनेर पनि चिनिन्छ ।
वर्षा र सहकालका देवताको रुपमा मानिने यस मछिन्द्रनाथ रथयात्रामा ठुलो संख्यामा स्थानीयवासीहरुको उपस्थितीका विच सुरु भएको हो । दिउँसो ४ बजे ललितपुरको पुल्चोकबाट सुरु भएको रथयात्रा स्थानीयले तानेर पुल्चोकबाट विहिवार गाबाहलसम्म पुराउँछन ।
बुधबार नै रथको धँमामा भैरबको मुकुट र दायाँ वाया नाग राखिएको छ ।
रथ यात्राका क्रममा स्थानीयले रथको पूजा पनि गर्ने गर्छन्न । रथलाई एक दिन गाबहालमा राखेपछि सुन्धारातर्फ लगिने परम्परा रहेको छ ।
त्यसपछि सुन्धाराबाट महाबौद्ध र चाकुबहाल हुँदै लगनखेल लगिन्छ ।
किवदन्ती अनुसार लिच्छवी राजा नरेन्द्रदेवका पालामा भारतको कामरूप कामाख्या गई ’वुंगद्य’ अर्थात रातो मच्छिन्द्रनाथलाई काठमाडौं उपत्यकामा ल्याएको हो ।
काठमाडौंमा यस अघि सेतो मछिन्द्रनाथ रथ यात्रा मनाईएको थियो ।
Categorized in सम्पदा/संस्कृति
