वीर र ट्रमा सेन्टरमा एक घण्टा चाँडो ओपिडि सेवा सुरु
काठमाडौं । वीर अस्पताल र ट्रमा सेन्टरमा साउन १ (आजदेखि) एक घण्टा छिटो बहिरङग सेवा (ओपिडी) सुरु गरिएको छ ।
विहान ८ बजेदेखिनै यी अस्पतालमा ओपिडी सेवा सुरु गरेको अस्पताल प्रशासनले जनाएको छ । यस अघि विहान ९ बजेबाट मात्र सो सेवा सुरु हुने गरेको थियो ।
वीर अस्पतालका निर्देशक डा सन्तोष पौडेलका अनुसार ओपिडी सेवा बिहान ८ बजेदेखि सुरु गरिएका हो र दुवै अस्पतालमा टिकटको समय बिहान ७ बजेदेखि अपरान्ह २ः३० बजेसम्म निर्धारण गरिएको छ ।
त्यसैगरी अस्पताल प्रशासनले सबै कर्मचारीको ई–हाजिरी अनिवार्य गरिएको जनाएको छ । अस्पतालबाट दैनिक तीन हजार बिरामीले ओपिडी सेवा लिइरहेका छन ।
चिकित्सा विज्ञान राष्ट्रिय प्रतिष्ठान (न्याम्स) कार्यकारी परिषदको बैठकले वीर अस्पताल र ट्रमा सेन्टरमा बिहान ८ बजेदेखि ओपिडी सेवा सुरु गर्ने निर्णय गरेको थियो ।
Categorized in स्वास्थ्य
