वीर अस्पतालमा डाक्टर देखाउन लाईन लाग्नु नपर्ने
काठमाडौं । वीर अस्पतालमा अबदेखि डाक्टर देखाउन लाईन लाग्नु नपर्ने भएको छ ।
शुक्रवार अस्पतालले डिजिटल सेवाको शुरुवात गरे सँगै मोबाइल एप्लिकेसनमार्फत् अनलाइन टिकट लिन सकिने भएको छ । गरी सेवा विस्तार गरेको अस्पतालले जनाएको छ ।
सेवाको लागि बिरामीले मोबाइलको प्लेस्टोरमा गएर ‘वीर अस्पताल’ एप्लिकेसन डाउनलोड गरी एपबाटै टिकट काट्ने र आफूलाई आवश्यक पर्ने चिकित्सकसँग समय लिन सक्नेछ ।
अस्पतालकी डा. अनुपमा कार्कीले यो प्रविधिको विकाससँगै घण्टौंसम्म लाइनमा बसेर टिकट लिनुपर्ने झण्झटबाट बिरामीले मुक्ति पाउने दाबी गरिन ।
सो प्रविधि अनुसार अब बिरामीले सिधै डाक्टर भेट्न मात्रै अस्पताल गए हुने भएको छ । यो प्रविधि अहिलेलाई ओपीडी सेवामा मात्रै लागू गरिएको छ ।
अस्पतालले यसअघि नै अनलाइनबाटै रिपोर्ट लिन सकिने सुविधा दिइसकेको छ ।
Categorized in स्वास्थ्य
