काठमाडौं । वीरगञ्जमा चार बालवालिकाको ह्युम पाईपले किचेर घाईते भएको छ ।
वीरगञ्ज महानगर १९ स्थित रातो बंगला परिसरमा खेल्ने क्रममा पाईप गुडेर बालबालिका घाइते भएको प्रहरीले जनाएको छ ।
बालवालिकालाई महानगरपालिकाको क्रेन लगेर उद्दार गरिएको हो ।
घाइते मध्ये ९ वर्षीया आयुषा यादव र ८ वर्षका रोहित राउतको नारायणी उपक्षेत्रीय अस्पतालमा उपचार भइरहेको छ । आयुषाको अनुहार, खुट्टामा चोट लागेको छ भने रोहितको हातमा चोट लागेको छ ।
त्यसैगरी जिरा भवानी १ का गोविन्द चौधरीका १० वर्षकी अनुष्काको एउटा खुट्टा भाँच्चिएको छ भने ७ वर्षीया अंकिताको टाउकोमा चोट लागेको प्रहरीले जनाएको छ ।
दुबैको वीरगञ्ज हेल्थ केयरमा उपचार भइरहेको प्रहरीले जानकारी दिए ।
Categorized in समाज
