काठमाडौं । अधिवक्ता भगवती पाण्डेलाई बुधवार विहान प्रहरीले पक्राउ गरेको छ ।
जिल्ला प्रहरी परिसर काठमाडौंले उनलाई पक्राउ गरेको हो । प्रहरीले हाल उनीसँग बयान लिइरहेको पनि बताएको छ ।
केही समय अघि उनले एक टेलिभिजन अन्तरवार्ताको क्रममा मगर र तामाङ समुदायप्रति लक्षित गरी विवाहबारे विवादस्पद अभिव्यक्ति दिएपछि सो समुदाय आन्दोलित छ ।
उनले मुस्लिम, मगर, तामाङ लगायत समुदायमा दाजुबहिनीबीच विवाह हुने विवादास्पद अभिव्यक्ति दिएकी थिइन ।
आज दिउँसो पाण्डेलाई पक्राउको माग गर्दै आन्दोलित समुदायले जिल्ला प्रहरी कार्यलय परिसर टेकुमा प्रदर्शन समेत गरको थियो । सो क्रममा प्रहरी र आन्दोलनकारी विच झडप समेत भएको थियो ।
प्रदर्शन एवं प्रहरीमाथि ढुंगामुढा गर्ने २८ जनालाई नियन्त्रणमा लिएको प्रहरीले जनाएको छ ।
दबाब स्वरुप भएको कार्यक्रमा राष्ट्रिय आदिवासी जनजाति महिला महासंघको नेतृत्वमा प्रदर्शन भएको थियो ।
Categorized in समाज