७ मङ्सिर २०८३, आइतबार
Binod Yojesh Ram

विराटनगर किंग्स लगातार तेस्रो खेलमा 


प्रकाशित: सोमवार, ८ मंसिर २०८२, १८ः५० बजे
- महानगरखवर

काठमाडौं । कप्तान सन्दीप लामिछानेको उत्कृष्ट बलिङ प्रदर्शनपछि विराटनगर किंग्सले सिद्धार्थ बैंक नेपाल प्रिमियर लिग (एनपिएल) मा लगातार तेस्रो जित दर्ता गरेको छ ।

 
सोमबार कीर्तिपुरस्थित त्रिवि क्रिकेट मैदानमा भएको खेलमा साविक विजेता जनकपुर बोल्टलाई ९ रनले पराजित गर्दै विराटनगर अंक तालिकाको शीर्ष स्थानमा उक्लिएको छ ।


१३६ रनको सामान्य लक्ष्य पछ्याएको जनकपुरले निर्धारित २० ओभरमा ९ विकेट गुमाउँदै १२६ रन मात्र जोड्न सक्यो। बलिङतर्फ कप्तान सन्दीपले ४ विकेट लिए ।

 
उनले ४ ओभरमा मात्र ११ रन खर्चिँदै १५ डट बल फ्याँके। सूर्य तामाङले २ विकेट लिए भने शुभम रन्जने र मर्स्याङ डी लाङले समान १–१ विकेट हात पारे ।

 
जनकपुरको इनिङ खराब सुरुवातसँगै दबाबमा रह्यो। ओपनर आसिफ शेख सूर्य तामाङबाट तेस्रो ओभरमै बोल्ड भए। कप्तान अनिलकुमार साह ४ रनमा जर्ज मुन्सीमार्फत क्याच आउट हुँदा जनकपुर थप संकटमा परेको थियो । 


लाहिरू मिलिन्था २३ रनमा सन्दीपबाट बोल्ड भएपछि जनकपुर ८.२ ओभरमा ३ विकेट गुमाएर ४६/३ मा झरेको थियो ।

 
यता, यान निकोल लोफ्टी इटनले सर्वाधिक ४१ रन बनाए पनि उनले अन्तिम ओभरमा रनआउट भएपछि जनकपुरको सम्भावना क्षीण भयो । 


यसअघि टस हारेर पहिले ब्याटिङ गरेको विराटनगरले २० ओभरमा ७ विकेटको क्षतिमा १३५ रन बनाएको थियो ।  


शुभम रन्जने ३७ रनसहित शीर्ष स्कोरर रहे। बसिर अहदमले ३६ रन योगदान दिए। लोकेश बमले २८ रन जोडे । 


जनकपुरका बलरमध्ये रुपेश सिंह र संगित कोरीले २–२ विकेट लिए।


लगातार तीन खेलमा विजयको सुरुवात गर्दै विराटनगरले प्लेअफ दाबेदारी मजबुत बनाएको छ भने जनकपुर भने लगातार दोस्रो खेलमा पराजित हुँदै दबाबमा परेको छ।

asteriskhubs
Home Page Bottom Second


nuhadya 1147
binod rajbhandari
Yogesh Khadgi KMC 27
maharjan complex
ramkrisna naya bachat
dev dai naya bachat
kmc 12 bala
bagmati gaupalika