काठमाडौं । मोरङको विराटनगरमा डेंगुको संक्रमणबाट एक जनाको मृत्यु भएको छ ।
मृत्यु हुनेमा विराटनगर– १० का १८ वर्षीय अभिनाश शर्मा बुधवार मृत्यु भएको जिल्ला स्वास्थ्य कार्यालय मोरङका प्रमुख ज्ञानबहादुर बस्नेतले बताएका छन ।
सामन्य ज्वरो आएको शर्माको रगत परिक्षण पछि डेंगुको संक्रमण भेटिएपछि मंगलवार गोल्डेन अस्पताल विराटनगरमा भर्ना गरिएको थियो ।
मोरङमा डेंगुका कारण १५९ जना संक्रमित छन । प्रदेश १ मा पहिलो पटक धरानमा वैशाख ३० गते डेंगु देखिएको हो । सुनसरी धरानमा मात्र तीन हजार ६ सय भन्दा बढी मानिस डेंगुको संक्रमण देखिएको छ ।
Categorized in स्वास्थ्य