काठमाडौं । त्रिभुुवन अन्तराष्ट्रिय विमानस्थलबाट १९ हजार ७ सय अमेरिकी डलरसहित एक इजरायली नागरिक पक्राउ परेको छ ।
पक्राउ पर्नेमा इजरायली नागरिक ३१ वर्षीय सही वेन मोहा रहेको प्रहरीले जनाएको छ ।
प्रहरीका अनुसार उनी थाइ लायन एयरको उडान नं. एसएल २२१ मार्फत काठमाडौंबाट थाइल्याण्ड जान लागेका थिए ।
एक्स रे मेसिनमा चेकजाँच गर्ने क्रममा प्रहरीले उनको साथबाट अवैध डलर भेटाएको थियो ।
वरामद गरिएको सो रकम विहिवारको राष्ट्रिय बैंकको खरिद दर अनुसार २२ लाख ३५ हजार ९ सय ५० रुपियाँ बराबरको रकम हो ।
प्रहरीले आवश्यक अनुसन्धान तथा कार्वाहीको लागि हरिहरभवन लगिएको जनाएको छ ।
Categorized in समाज
