काठमाडौ । प्रहरीले त्रिभुवन अन्तर्राष्ट्रिय विमानस्थलबाट १ सय ५७.३२ ग्रामको सुनको १६ थान सुनको प्याकेटसहित भुटानी नागरिकलाई पक्राउ गरेको छ ।
भुटानतर्फ जान लागेका राहदानी नम्बर जि १०२१८३ वाहक भुटानी नागरिक टिसेरिंग न्यामगेललाई भन्सार छली अवैध रुपमा लैजान लागेको सुनसहित पक्राउ गरेको हो ।
विमानस्थलको अन्तर्राष्ट्रिय उडानतर्फको प्रस्थान होल्ड व्यागेज चेकिङ एरियामा भन्सार छली अवैध रुपमा लैजान लागेको अवस्थामा उनलाई प्रहरीले फेला पारी पक्राउ गरेको हो ।
उनलाई आवश्यक अनुसन्धान एवं कारवाहीको लागि प्रहरीले विमानस्थल भन्सार कार्यालय,गौचर पठाएको प्रहरीले जनाएको छ ।
Categorized in पत्रपत्रिका