काठमाडौं । सनम शाक्य हत्यासँग जोडिएको ३३ केजी सुन तस्करी प्रकरणको अनुसन्धान चलिरहेको बेला फेरि त्रिभुवन अन्तर्राष्ट्रिय विमानस्थलबाट फेरि सुन तस्करी भएको समाचार छ ।
महानगरीय प्रहरी वृत्त, गौशालाको टोलीले विमानस्थलको भन्सार छलेर ल्याएको १ सय ग्राम सुन सहित चितवनका पूर्णवहादुर गुरुङलाई समातेको छ ।
जितवनको गौंडा–१ घर भइ हाल काठमाडौंको मण्डिखाटार बस्ने ४३ वर्षीय गुरुङलाई प्रहरीले चाबहिलबाट पक्राउ गरेको प्रहरीले जनाएको छ ।
उनको साथबाट ४ वटा ल्यापटप बरामद भएको छ ।
यसअघि प्रहरीले वीरगञ्जबाट पनि एक किलो सुनसहित एक व्यक्तिलाई पक्राउ गरेको थियो ।
Categorized in पत्रपत्रिका