काठमाडौं । प्रहरीले सोमबार त्रिभुवन अन्तर्रा्ष्ट्रिय बिमानस्थल गौचरनबाट विभिन्न देशका नक्कली विदेशी मुद्रा कारोबार गर्ने जार्डन नागरिकलाई पक्राउ गरेको छ ।
प्रहरीले राहदानी नम्बर ई ९१५३३५०१ बाहक जोर्डनका नागरिक ६६ वर्षीय मजिन अब्दील्जबबर तलेब अल्सकियमेह लाई सुटकेशमा लुकाई छिपाई राखेको नक्कली विदेशी मुद्रा सहित पक्राउ गरेको हो ।
प्रहरी पक्राउ गरेका जोर्डन नागरिकबाट अमेरिकी डलर १ सय दरको ६८ थान, सेन्ट्रल बैंक अफ ओमनको ५० दरको नोटका च्यातिएका टुक्रा २२ थान, अमेरिकी डलर १ सय दरको नोटका च्यातिएका टुक्रा १६ थान, साउदी रियाल ५ सय दरको नोट २५ थान, अमेरिकी डलर ५ सय दरको भिसा ट्राभलर चेक १ थान सहित महानगरीय अपराध महाशाखाबाट खटिएको प्रहरीले सोमबार पक्राउ गरेको छ ।
यस सम्बन्धमा थप अनुसन्धान भइरहेको प्रहरीले जनाएको छ ।
Categorized in राष्ट्रिय
