काठमाडौं । नेपाली विद्यार्थी कञ्चनपुरका विपिन जोशी प्यालेस्टाइनी विद्रोही समूह हमासको नियन्त्रणमा रहेको इजरायलले बताएको छ ।
जोशी हमासको कब्जामा रहेको इजरायलको प्रधानमन्त्री कार्यालयले रहेको पुष्टि गरेको हो ।
इजरायलको दक्षिण क्षेत्रस्थित किबुज अलिमिमबाट बेपत्ता पारिएका जोशी प्यालेस्टाइनी विद्रोही समूह हमासको नियन्त्रणमा रहेका र उनी अक्टोबर ७ देखि बेपत्ता छन ।
प्रधानमन्त्री कार्यालयले हमासको बन्धकमा जोशीसहित एक सय २२ विदेशी नागरिक रहेको बताएको छ ।
थाइल्यान्ड, अर्जेन्टिना, जर्मनी, अमेरिकाका, फ्रान्स र रसियाका नागरिकहरुको हमासको बन्धकमा रहेका छन ।
त्यसैगरी, हंगेरी, पोल्यान्ड, पोर्चुगल, चीन, फिलिपिन्स, रोमानिया, तान्जिनिया र बेलायत, अस्ट्रिया, ब्राजिल, क्यानडा, डेनमार्क, आयरल्यान्ड, लुथिनिया, मेक्सिको, नेदरल्यान्ड्स, सर्बिया, दक्षिण अफ्रिका, श्रीलंका, युक्रेन र उरुग्वेका नगारिकहरु पनि बन्धक छन ।
बन्धकमध्ये ५ जनालाई हमासले मुक्त गरेको छ । गत अक्टोबर २० मा दुई अमेरिकी नागरिक र २३ अक्टोबरमा दुई जना इजरायली वृद्धालाई हमासले छाडिदिएको थियो ।
Categorized in अन्तर्राष्ट्रिय