काठमाडौं । नेपाल विद्युत प्राधिकरणले विभिन्न पदमा जागिरका लागि माग गरेको छ ।
शुक्रवार गोरखापत्र दैनिकमा विज्ञापन प्रकाशित गरी झन्डै ४ सय कर्मचारी मागेको छ ।
प्राधिकरणले तेस्रो तह देखि दसौं तहसम्म प्रशासन र प्राविधितर्फ विभिन्न पदमा आवेदन आह्वान गरेको हो । प्राधिकरणले दसौं तह अन्तर्गत प्रशासनतर्फ एक जना सहनिर्देशक, प्राविधिकतर्फ एक जना प्रवन्धक मागेको छ ।
त्यसैगरी, ३ जना उपप्रवन्धक , सहायक निर्देशक, सहायक प्रवन्धक, प्रशासकीय अधिकृत, लेखा अधिकृत, कानुन अधिकृत, इन्जिनियर लगायत सहायक स्तरका विभिन्न पदहरूमा आवेदन माग गरेको हो ।
प्राधिकरणले विभिन्न प्रदेशका लागि मिटररिडिङ सुपरभाइजर, लेखापाल, सुपरभाइजर, सिनियर मिटर रिडर, सहायक लेखापाल, फोरमेन, इलेक्ट्रिसियन र जुनियर मिस्त्री लगायतका पदका लागि पनि दरखास्त आह्वान गरेको छ ।
मंसिर १४ गतेसम्म दरखास्त दिइसक्नुपर्ने प्राधिकरणले जनाएको छ । प्राधिकरणको वेभ साइटमा गएर अनलाइन दरखास्त दिन सकिनेछ ।
Categorized in प्रबिधि
