वास्या द्यः(दाँतको देउता)को छोपिएको सिसा खुला गरियो
काठमाडौं । काठमाडौंको बांगेमुुढास्थित रहेको वास्या द्यः (दातको देउता) लाई छोपिराखिएको सिसाको भाग खुला गरिएको छ ।
काठमाडौं महानगरपालिका वडा २५ का वडा सदस्य लिनोदवीर सिंह तुलाधरले शनिवार स्थानीय, सरोकावाला तथा सम्पदा संरक्षण अभियानका अभियानकर्ताहरुको पहलमा सो छोपिएको सिसाको भाग खुला गरेको जानकारी दिए ।
‘छोपिएको भएर सफासुुग्घर पनि भएन, केही नदेख्ने भयो र खोल्ने कुरा भयो र सबैको सरसल्लाह भएर खोलेको हो र यसमा थप संरचनाहरु राखिने छ ।’ सदस्य तुलाधरले भने ।
यस अघि सो स्थानको संरचनामा एक व्यक्तिले क्षति पुराएपछि सुरक्षाको लागि भन्दै सिसाले छोपिएको थियो ।
वास्या द्यः मा आएर आफुुलाई दाँतको कुनै समस्या आए सिक्का ठोकेको खण्डमा आराम हुने जनविश्वसास रहेको छ ।
Categorized in सम्पदा/संस्कृति
