वरिष्ठ पत्रकार विनय कसजूको निधन
प्रकाशित: मंगलवार, १० मंसिर २०७६, १९ः०० बजे
- महानगरखवर
काठमाडौं । बाल साहित्यकार तथा वरिष्ठ पत्रकार विनय कसजूको मंगलवार उपचारको क्रममा निधन भएको छ ।
लामो समयदेखि निमोनिया, मधुमेहलगायत रोगबाट पीडित ६९ वर्षको उमेरमा कसजूको मेडिसिटी अस्पतालमा निधन भएको हो ।
बालसाहित्यमा महत्वपूर्ण योगदान पुराएका कसजूका १०० बालकथाहरु, मुसालाई दोसल्ला र माकुरालाई मोजा, बाँसुरी बजाउने भूत, डल्फिनको गीतलगायतका कृति सार्वजनिक छन ।
कसजुले नेपाल प्रेस काउन्सिल, राष्ट्रिय समाचार समिति राष्ट्रिय सूचना आयोग आदि महत्वपूर्ण संस्थामा रहेर उनले पत्रकारिता क्षेत्रमा योगदान दिए ।
पाल्पाको तानसेनमा २००४ सालमा जन्मेका कसजूको पत्रकारिता र बालसाहित्यको क्षेत्रमा निरन्तर सक्रियता रहेका थिए ।
Categorized in समाज
