काठमाडौं । ललितपुर महानगरपालिकाले बिजुली बस सञ्चालन गर्ने भएको छ ।
महानगरपालिकाले साझा यातायातसँगको सहकार्यमा ६ वटा बिजुली बस सञ्चालनमा ल्याउने भएको हो । महानगरपालिका प्रमुख चिरिबाबु महर्जनले आगामी चार महिनामा बस चलाउने गरी तयारी सुरू गरेको बताएको छ ।
प्रमुख महर्जनका अनुसार पुल्चोकबाट मंगलबजार, लगनखेल, जाउलाखेल हुँदै पुनः पुल्चोकसम्म एउटा रुट, पुल्चोकबाट मंगलबजार, पाटन, सुन्धारा, महाबौद्ध हुँदै पुनः पुल्चोकससम्मा र तेस्रो जावलाखेल, लगनखेल, एकान्तकुना, धोबीघाट, कुपन्डोल, सानेपा सम्मको रुटमा बस सञ्चालन हुनेछ ।
पर्यटक, शारीरिक अशक्तता भएका व्यक्ति, वृद्धवृद्धा तथा बालबालिकालाई यी बसमा निःशुल्क सेवा दिने महानगरपालिकाले जनाएको छ ।
महानगरले बस किन्न साझा यातायातलाई साढे दुई करोड रूपैयाँ दिइसकेको महानगरले प्रमुख महर्जनले बताए ।
Categorized in प्रबिधि