ललितपुर महानगरको बिजुली पोलमा हरियो रङ, पोष्टर टाँस्न नपाईने
काठमाडौं । ललितपुर महानगरपालिको महानगरभित्रका बिजुलीको पोलमा रङरोगन गर्ने कार्य सुरु गरेको छ ।
महानगरले पोलमा हरियो रङ लगाएर पोल सफा र चिटिक्क पारेका छन । अबदेखि पोलमा कुनै पनि पोष्टर, पर्चा, विज्ञापन लगायत गर्न नपाउने महानगर प्रमुख चिरिबाबु महर्जनले बताएका छन ।
महर्जनले विज्ञापन हटाएर रङरोगन कार्यक्रमको सुरूआत गर्दै सफा र सुन्दर महानगरको अभियान बढाएसँगै सो कार्य सुरु गरेका हुन ।
अहिले ललितपुरका नगर प्रहरीले सो कार्यलाई अघि बढाएर पोलहरुमा रंग लगाउँदै महानगर प्रमुख महर्जनको अभियानलाई सकार पार्न लागेका छन ।
महानगर भित्रका कुनै पनि बिजुलीका पोल या इन्टरनेट र टेलिकमका पोलमा विज्ञापन टाँस्नेलाई कारबाही गर्ने महानगरपालिकाले जनाएको छ ।
त्यसैगरी महानगरभित्रका घर र पर्खालका भित्ता, टेलिफोन, बिजुलीको खम्बा ९पोल०मा पम्प्लेट र पोष्टर टाँस्न नदिने भएको छ ।
Categorized in स्थानिय
