ललितपुर महानगरका १४७ जनप्रतिनिधिको स्वाब संकलन
प्रकाशित: आईतवार, ४ जेठ २०७७, १७ः०० बजे
- महानगरखबर
काठमाडौं । ललितपुर महानगरपालिकाका एक सय ४७ जना जनप्रतिनिधिको पीसीआर परीक्षणको लागि स्वाब संकलन गरिएको छ ।
आईतवार महानगरपालिकाले २९ वटै वडाका सबै जना जनप्रतिनिधिको स्वाब संकलन गरिएको हो ।
यस शनिवार स्वास्थ्यकर्मी र सफाइकर्मी गरी ११९ जनाको आरडिटी र २११ जनाको पीसीआर परीक्षण भएको महानगरपालिकाले वताएको छ ।
त्यसैगरी महानगरभित्र काम गर्ने पत्रकार, फलफूल व्यवसायी, ग्याँस डिलरहरुमा काम गर्ने व्यक्तिहरुको पनि पीसीआर र आरडीटी परीक्षण गर्न लागिएको छ ।
स्वास्थ्य तथा जनसंख्या मन्त्रालयले महानगरपाकिाललाई एक हजार ५० थान पीसीआर किट उपलब्ध गराएको छ ।
Categorized in स्थानिय
