ललितपुर निर्माण व्यवसायी संघको अध्यक्षमा पञ्चराम महर्जन निर्विरोध निर्वाचित
काठमाडौं । ललितपुर निर्माण व्यवसायी संघको अध्यक्षमा पञ्चराम महर्जन निर्विरोध निर्वाचित भएका छन ।
शनिवार सम्पन्न संघको १४ औं साधारणसभा तथा सातौ अधिवेशनबाट महर्जनको अध्यक्षतामा १९ सदस्य नयाँ कार्यसमिति चयन भएको निर्वाचन अधिकृत विदुर बहादुर घिमिरेले बताएका छन ।
संघको वरिष्ठ उपाध्यक्षमा भगिरथ तिमल्सिना, प्रथम उपाध्यक्षमा अमर शाक्य, द्वितीय उपाध्यक्षमा मोहन कृष्ण बस्नेत, सचिवमा दिनेश श्रेष्ठ, सहसचिवमा हरिघर श्रेष्ठ, कोषाध्यक्ष गोकुल खड्का र सह–कोषाध्यक्षमा श्याम कुमार गिरी निर्विरोध निर्वाचित भएका हुन ।
त्यसैगरी, कार्य समिति सदस्यहरुमा महिला सदस्यमा मिना भण्डारी, दलित सदस्यमा भवनाथ दुदराज, जनजाति तर्फबाट सदस्यमा कृष्ण कुमार महर्जन, र खुल्ला सदस्यहरुमा पुस्कर श्रेष्ठ, विश्वास कार्की, जितेन्द्र देशार, राजु महर्जन, जगत बहादुर लो, श्याम ज्योती बोहोरा, दोलराज अधिकारी, कविन्द्र कुमार लामा निर्वाचित भएका छन ।
यस अवसरमा बागमति प्रदेश सभा सदस्य मिनकृष्ण महर्जनले संघका नवनिर्वाचित अध्यक्ष महर्जनलाई बधाई तथा शुुभकामना समेत दिएका छन ।
Categorized in अर्थबजार
