ललितपुरमा १४ गते सापारु, काठमाडौं र भक्तपुरमा कहिले ?
काठमाडौं । ललितपुरमा यो बर्ष भाद्र १४ गते गाईजात्रा (सापारु) मनाईने भएको छ ।
जात्रा सम्पर्क व्यक्ति उत्तम राज शाक्यले १४ गते गाईजात्रा मनाईने र भोली पल्ट मत या: दीपयात्रा हुने जानकारी दिए ।
उनले भने,‘ काठमाडौं, भक्तपुर र ललितपुरमा सापारु फरक दिनमा हुने भएको छ, ललितपुरमा तिथि अनुासर नै ज्योतिषहरुले तोकेको समय भएकोले १४ गते सापारु मनाउँछौ ।’
भक्तपुरमा गुंःपुन्हि (क्वाति) भाद्र १३ गते र सापारु १४ गते मनाउने भएको छ । भक्तपुरले तलेजुुको पुजारीको उपस्थितीमा सो निर्णय गरेको बताएको छ ।
भक्तपुरका स्थानीय सत्य शर्माले पनि भक्तपुरमा १३ गते पुन्हि हुने र १४ गते गाइजात्रा निकालिने बताएका छन ।
काठमाडौमा भने भाद्र १४ गते गुुंःपुन्हि र १५ गते सापारु निकालिने भएको छ ।
Categorized in सम्पदा/संस्कृति
