ललितपुर । ललितपुरमा शनिवारबाट बुंगद्यः (रातो मछिन्द्रनाथको रथयात्रा) सुरु भएको छ ।
आज साँझ पुल्चोकबाट बाजागाजासहित गःबहाल रथ तानेर गाःबहाल लगिएको छ ।
रथयात्रा हेर्नका लागि ललितपुर महानगरपालिकाका नगरप्रमुख चिरीबाबु महर्जनको निमन्त्रणामा विदेशी नियोगका अधिकारी पनि आएका थिए ।
इस अवसरमा प्रमुख महर्जनको निमन्त्रणलाई स्वीकारी युरोपेली युनियन, फ्रान्स, इजरायल, नर्वे, दक्षिणकोरिया, स्विट्जरल्याण्ड, थाइल्याण्ड, संयुक्त अधिराज्य लगायत देशका राजदूत र विश्व बैंक, युनिसेफ, युएसएआईडी, एसियाली विकास बैंक लगायत निकायका प्रतिनिधिहरु आएका थिए ।
वर्षा र सहकालका देवता मानिने रातो मत्स्येन्द्रनाथ रथको निर्माण १२ वैशाखबाट सुरु गरिएको रथ निर्माण सकिएपछि २७ वैशाखमा मत्स्येन्द्रनाथलाई रथारोहण गराइएको थियो ।
रथलाई पाटनका मंगलबजार, हखा, सुन्धारा, चक्रबहिल, लगनखेल हुँदै असार शुक्ल चौथीमा जावलाखेल पुर्याएर भोटो देखाई अन्त्य गर्ने चलन छ ।
तस्वीर र भिडियोःबिज्जु श्रेष्ठ/महानगरखबर
Categorized in सम्पदा/संस्कृति