काठमाडौं । पर्यटकलाई विशेष सुविधा दिने उद्देश्यले ललितपुर महानगरपालिकाले नगरको भित्री भागमा विद्युतीय बस सेवा सञ्चालन गर्ने भएको छ ।
महानगरले रुटको अध्ययन गरी आवश्यक रुटमा बस सञ्चालनको लागि योजना बनाईरहेको महानगर प्रवक्ता राजु महर्जनले जानकारी दिए ।
विद्युतीय बसको महानगरले यस वर्षको बजेटमा महानगरले रु पाँच करोड छुट्टाएको थियो ।
प्रवक्ता महर्जनले पर्यटकलाई शहरको भित्री भागमा आगमनमा समस्या पर्ने तथा टयाक्सी जान नमान्ने भएपछि समस्या पर्ने गरेको बताए ।
पुल्चोकबाट मङ्गलबजार र पाटनढोकाबाट मङ्गलबजारसम्म बस सञ्चालन गर्ने योजना रहेको प्रवक्ता महर्जनको भनाई छ ।
पाटनभित्र रहेका दरबार क्षेत्रसँगै अरु मन्दिर, विहारलगायतका पर्यटकीय गन्तव्यलाई समेटेर रुट बनाइने भएको छ ।
Categorized in समाज
