काठमाडौं । ललितपुर महानगरपालिकाले मंगलबजारदेखि लगनखेलसम्मको क्षेत्रलाई फुटपाथ निषेधित क्षेत्र घोषणा गरेका छ ।
मंसिर २४ गते देखि सो क्षेत्रमा कुनै पनि किसिमको फुटपाथ पसलहरु राख्न निषेध गरेकको महानगर प्रहरी बल प्रमुख सीताराम हाछेथुले बताए ।
महानगर प्रहरी बलले सूचना टाँस्दै मंसिर २४ गतेदेखि मंगलबजारदेखि लगनखेल क्षेत्र फुटपाथ पसल निषेधित क्षेत्र हुने जनएको हो ।
तर विहान भने ८ बजेसम्म तरकारी पसलहरुलाई कुनै रोक नभएको उनले बताए ।
नगर प्रहरी प्रमुख हाथेछुका अनुसार काठामडौंमा फुटपाथ पसल निषेध भएपछि यहाँ व्यापारीहरु आउन थालेको र संख्या बढेर सुरक्षा व्यवस्थापन गर्न कठिन भएपछि बाध्य भई महानगरपालिकाले उक्त निर्णय लिएको हो ।
ठाउँभन्दा ब्यापारी धेरै र धेरै मानिसहरुकोे चाप बढनेसँगै भिडभाड बढ्दा झै–झगडा, पाकेटमार जस्ता गतिविधि बढ्न थालेको उनको भनाई छ ।
फुटपाथको कारण सर्वसाधारणलाई हिँड्न समेत नसक्ने स्थिति सिर्जना भएसँगैे एम्बुलेन्स, दमकल समेत हिँड्न सक्दैन, मेला जस्तै हुने गरेकोले यस क्षेत्र निषेध गरेको उनको भनाई छ ।
साथै फुटपाथ व्यापारीहरुले सटर पसलको अगाडीको खाली ठाउँ भाडामा लिएर व्यापार गर्न थलिएको पनि भेटिएपछि झनै विकृति देखिएको उनको भनाई छ ।
फुटपाथ निषेध गरिएको क्षेत्र ललितपुर महानगर वडा नम्बर १२ र १९ अन्तर्गत पर्दछ ।
यसअघि ललितपुर महानगरपालिकाले बेलुकी छ बजेपश्चात फुटपाथ व्यवसायीलाई व्यापार गर्न दिएको थियो ।
Categorized in बजार