ललितपुरमा ज्यापू समाजको वृद्धाश्रममा ११० बेडको आइसोलेसन सेन्टर सुरू
काठमाडौं । ललितपुरमा ज्यापू समाजको वृद्धाश्रममा कोभिड उपचारको लागि ११० बेडको आइसोलेसन सेन्टर सुरू भएको छ ।
ललितपुर महानगरपालिका, ज्यापु समाज र सुन्दर ढोका साथी सेवाबीच त्रिपक्षीय सम्झौता अनुसार आइसोलेसन सेन्टर सुरु गरिएको हो ।
महानगरपालिकाको वडा नं ४ स्थित बागडोलमा रहेको उक्त आश्रम सो सेवा सुरु गरएको हो । सुन्दर ढोका साथी सेवाले उक्त आइसोलेसन सेन्टरका लागि खाना उपलब्ध गराउनेछ ।
महानगर प्रमुख चिरीबाबु महर्जनले महानगरवासीको स्वास्थ्य र सुरक्षामा कुनै कमी हुन नदिने बताएका छन । पहिलो प्राथमिकता कोभिड महामारीबाट नागरिकलाई बचाउनु भएको उनले स्पष्ट पारे ।
महानगरले वडा नं ३ स्थित मदनस्मारक विद्यालय परिसरमा रहेको ठूलो हललाई समेत आइसोलेसन सेन्टर बनाउने तयारी गरेको प्रमुख महर्जनले बताए ।
महानगरले नेपाल युथ फाउन्डेसनको नेपाल पुनर्थापना केन्द्रमा एक साता एक सय ६० आईसोलेसन शैय्या सञ्चालनमा ल्याएका छन ।
Categorized in स्थानिय
