काठमाडौं । ललितपुरको सातदोबाटोमा एक यात्रुवाहक महानगर बसमा आगलागी भएको छ ।
ललितपुर महानगरपालिका–१५ सातदोबाटो चोक नजिक रोकिरहेको बा ४ ख १०६ नम्बरको महानगर यातायातको बसमा शनिबार अपराह्न पौने ५ बजे आगलागी भएको हो ।
अहिले आगो नियन्त्रणमा आईसकेको जिल्ला प्रहरी परिसर ललितपुरले जनाएको छ ।
प्रहरीका अनुसार अचानक विद्युत सर्ट भई आगलागी भएपछि ललितपुर महानगरपालिकाको दुई वटा दमकलले बसमा लागेको आगो साँझ ५ बजे निभाएको हो ।
तस्वीरः रविन कुमार
Categorized in समाज
