ललितपुरको कोर क्षेत्रमा महानगरले पर्यटकीय बस सञ्चालन गर्ने
काठमाडौं । ललितपुर महानगरपालिकाले कोर क्षेत्रहरुमा पर्यटकीय विद्युतीय बस सेवा सञ्चालन गर्ने भएको छ ।
सो बस सेवा सञ्चालनको लागि सोमवार महानगर र साझा यातायाता संस्थाविच एक सम्झौतामा हस्ताक्षर भएको छ ।
महानगर प्रमखु चिरिबाबु महर्जनका अनुसार ललितपुरको कोर क्षेत्रहरु पुल्चोक, मंगलबजार, लगनखेल, जावालाखेलमा सो बस सेवा सञ्चालन हुने भएको छ ।
महानगर प्रमुख महर्जनले बस सेवा सञ्चालनको लागि साझा यातायातलाई सेवा प्रा.लि. लाई ३ करोडको चेक हस्तान्तर गरेका छन । पर्यटकलाई लक्षित गरी बस सेवा सञ्चालन गर्न लागिएको हो ।
सम्झौता अनुसार महानगरमा यो पर्यटक बस संचालन भएपछि ७० वर्ष माथिका ज्येष्ठ नागरिक, ६ वर्ष मुुनिका बालबालिका, क, ख वर्गका अपाङगता भएकाहरु महानगरले जारी गरेको पास हुने यात्रुले निशुल्क यात्रा गर्न पाउने छन ।
महानगरका अनुसार यो बस १२ देखि १७ सिटको हुनेछ ।
Categorized in स्थानिय
