ललितपुरका मेयर चिरिबाबु र कीर्तिपुरका राजकुमार नकर्मीलेसँगै ताने रथ
काठमाडौं । वर्षा र सहकालका देवताको रुपमा चिनिने रातो मच्छिन्द्रनाथको रथलाई लगनखेलको थटीटोलबाट जावलाखेल लगिएको छ ।
सोमवारको सुुभ साईतमा रथलाई जावलाखेल लगेर राखिएको छ । यस सुभ अवसरमा ललितपुर महानगरपालिका प्रमुख चिरिबाबु महर्जन, कीर्तिपुर नगरपालिका प्रमुख राजकुमार नकर्मी र ज्यापु समाज यलका अध्यक्ष तिर्थलाल महर्जनले पनि रथ तानेका थिए ।
रथ जवालाखेलमा राखिएको चौथो दिनमा भोटो देखाउने परम्परा रहेको छ । भोटो अवलोकनका लागि राष्ट्रपति, उपराष्ट्रपति लगायतका उच्चपदस्थ व्यक्तिहरु आउने गर्दछ ।
भोटो अवलोकन पछि जात्रा सकिने र रथबाट रातो मच्छिन्द्रनाथलाई निकालेर बुंगमति लगिन्छ ।
बैशाख ११ गते पुच्चोकमा निर्माण गरिएको रथ तानेर गाःबहाल पुुगाएपछि जात्रा सुरु भएको थियो ।
Categorized in सम्पदा/संस्कृति
