काठमाडौं । विगत केही समययता सुनका सिक्रीहरु लुटपाट गर्ने २ जनालाई प्रहरीले पक्राउ गरेको छ ।
पक्राउ पर्नेहरुमा ललितपुर महानगरपालिका–१६ ईखालखु घर भएका ३० वर्षीय शैलेश ताम्राकार र ललितपुर महानगरपालिका–१७ लुखुशी बस्ने २५ वर्षीय लोलिन काजी महर्जन रहेका छन् ।
उनीहरुलाई प्रहरीले ललितपुरको गाःबहालबाट विहिवार पक्राउ गरेको हो ।
उनीहरुले ललितपुरमा स्कुटर प्रयोग गरी सर्वसाधारणहरुको सुनका सिक्रीहरु थुति लुटपाट तथा चोरी गरेको घटनाको अनुसन्धान गर्ने क्रममा प्रहरीले नियन्त्रणमा लिएको जनाएको छ ।
चोरी गरी नम्बर प्लेट समेत परिवर्तन गरी प्रयोग गर्दै आएको २ थान स्कुटर र लुटपाट एवं चोरी गरी संकलन गरेको सिक्री, लकेट तथा सुन तौल गर्ने मेसिन १ थान बरामद गरिएको छ ।
Categorized in समाज
