लगातार स्वतन्त्र वडा अध्यक्ष जित्ने ललितपुर–१० का पूर्व वडा अध्यक्ष व्यञ्जनकारको निधन
काठमाडौं । लगातर स्वतन्त्र वडा अध्यक्ष जित्ने ललितपुर महानगरपालिका वडा १० का पूर्व वडा अध्यक्ष नरसिंह व्यञ्जनकारको निधन भएको छ ।
आइतबार नर्भिक अस्पतालमा व्यञ्जनकारको उपचारको क्रममा निधन भएको ललितपुर महानगरका मेयर चिरीबाबु महर्जनले बताएका छन ।
नर्भिकमा आज (आइतबार) ४ बजेतिर उहाँको निधन भएको हो । व्यञ्जनकारलाई नियमित स्वास्थ्य परीक्षणका लागि आइतबार अस्पताल लगिएको थियो ।
व्यन्जनकार गएको स्थानीय निर्वाचनमा आफ्नै भतिजा कांग्रेसबाट उम्मेदवार उठेका आफ्नै ४४ वर्षीय रविनमान व्यञ्जनकारसँग उनी पराजित भएका थिए ।
यस अघि व्यञ्जनकार लगातार दसपटक स्वतन्त्र उम्मेदवारी दिएर ललितपुर महानगर वडा नम्बर १० का अध्यक्षमा निर्वाचित भएका थिए ।
व्यञ्जनकारको वडाध्यक्ष यात्रा २०२९ सालबाट सुरू भएको थियो ।
Categorized in समाज
