काठमाडौं । सरकारले लकडाउन थपेको भोली पल्टै आज (मंगलवार) काठमाडौंमा सवारी साधानको भीड देखिएको छ ।
विहानै देखि निजी सवारी साधनहरु कार, जीप, मोटरसाईल सामन्य अवस्थामा जस्तै सडकमा गुडेपछि ट्राफिक प्रहरी सक्रिय देखिएको थियो ।
ट्राफिक प्रहरीले राजधानीका मुख्य चोकमा सवारीसाधनको पास जाँच गरेपछि धेरै संख्यामा गाडीहरुलाई नियन्त्रणमा लिएको थियो ।
सावारी पास जाँच गर्ने क्रममा कतिपय ठाउँमा ट्राफिक जाम समेत भएको थियो । कालीमाटी, त्रिपुरेश्वर लगायतका क्षेत्रमा ट्राफिक जाम भएको देखिन्थ्यो ।
गत आइतबारको मन्त्रिपरिषद बैठकले आगामी वैशाख २५ सम्म लकडाउन कायम गरेको छ ।
Categorized in राष्ट्रिय