काठमाडौं । रेष्टुरेन्ट तथा बारले ग्राकहसँग सेवा शुल्कको नाममा लिइदै आएको १० प्रतिशत सेवा शुल्क मंगलवारदेखि नतिुर्न पर्ने भएको छ ।
रेष्टुरेन्ट व्यवसायीको संस्था रेष्टुरेन्ट एन्ड बार एसोसिएसन नेपाल (रेबान)ले सोमबारको बैठकबाट सो सेवा शुल्क नलिने निर्णय गरेपछि ग्राहक १० प्रतिशत सेवा शुल्क तिर्न नपर्ने भएको हो ।
रेवानका अध्यक्ष प्रमोद जैसवालका अनुसार ग्राहकको सुविधालाई ध्यानमा राखेर यस किसिमको निर्णय गरेको हो ।
ग्राहक तथा उपभोक्तहरुको सेवा शुल्कको विषयलाई लिएर चौतर्फी विरोध र असुन्तुष्टी प्रकट भएपछि ग्राहको हितलाई ध्यानमा राखि निर्णय गरेको रेवानद्धारा जारी विज्ञप्तीमा उल्लेख छ ।
विज्ञप्तीमा भनिएको छ, ‘सेवा सेवा शुल्क हटाएसँगै गुणस्तरीय सेवा प्रदान गर्ने कुरामा हामी प्रतिवद्ध छौं ।’ रेवानको यो निर्णय अनुसार काठमाडौ, पोखरा र सौरहाका रेष्टुरेन्ट तथा बारहरुमा मंगलवारदेखिनै लागु हुनेछ ।
मजुदरहरुका लागि सामाजिक सुरक्षा कोषको व्यवस्था भईसकेको अवस्थामा यस किसिमको निर्णयले मजदुरलाई असर नपर्ने रेवानले बताएको छ । तर स्वेच्छिक रूपमा दिने टिप्सलाई कुनै पनि बन्देज भने लगाएको छैन ।
रेवानको यो निर्णयसँगै ठूला होटल र पार्टी प्यालेसलाई पनि दबाब पर्ने देखिएको छ ।
Categorized in बजार
