काठमाडौं । रुकुम पश्चिम एक मानसिक अवस्था ठीक नभएको व्यक्तिले आफ्नै श्रीमति र छोराको हत्या गरेको प्रहरीले जनाएको छ ।
प्रहरीका अनुसार जिल्लाको त्रिवेणी गाउँपालिका–१ बल्लेजुराका ४९ वर्षीय सत्तबहादुर बुढाले श्रीमती ४२ वर्षीया इन्द्रकला बुढा र छोरा ११ वर्षीय स्वयमप्रकाश बुढाको हत्या गरेका हुन ।
बुढाले शनिबार राति २ बजेको समयमा श्रीमती इन्द्रकलालाई भरुवा बन्दुकले गोली हानी र छोरा स्वयमप्रकाशलाई खकुरी प्रहार गरी हत्या गरेको जिल्ला प्रहरी कार्यालय रुकुम पश्चिमले जनाएको छ ।
स्थानीयले खबर गरेपछि घटनास्थलमा पुग्दा आमाछोरा हत्या गरिएको अवस्थामा फेला परेको थियो ।
बुढाले मदिरा सेवन गरी श्रीमती र छोराको हत्या गरेको बुझिएको र बाँकी अनुसन्धान गर्न बाँकी रहेको प्रहरीले जनाएको छ । बुढालाई प्रहरीले नियन्त्रणमा लिएको छ ।
स्थानीयवासीका अनुसार बुढा मानसिक रूपमा स्वस्थ नरहेको बताएका छन ।
Categorized in समाज
