राष्ट्र बैंकका गभर्नर महाप्रसाद अधिकारी निलम्बनमा परे
काठमाडौं । सरकारले राष्ट्र बैंकका गभर्नर महाप्रसाद अधिकारीलाई निलम्बन गरेको छ ।
शुक्रवार सरकारले गभर्नर अधिकारीलाई निलम्बनको पत्र थमाएपछि डेपुटी गभर्नर निलम ढुंगानालाई कार्यबाहक दिइएको छ ।
गभर्नर अधिकारीले विलासी बस्तु आयात रोक्न अर्थ मन्त्रालयले दिएको निर्देशनसम्बन्धी सूचना चुहाएको लगायत गम्भरी आरोप लागेकोले निलम्बन गरिएको बुझिएको छ ।
बिहीबार बसेको मन्त्रिपरिषद् बैठकमा पनि गभर्नर अधिकारीबारे प्रश्न उठेको थियो ।
उनीमाथि लागेको आरोपबारे छानविन गर्न नेपाल राष्ट्र बैंक ऐनकाअनुसार पूर्व न्यायाधीश पुरुषोतम भण्डारीको नेतृत्वमा तीन सदस्य समिति बनेको छ ।
डा. सूर्य थापा र चन्द्रकान्त पौडेल सदस्य रहेको समितिलाई अधिकारीमाथि लागेको आरोपबारे छानबिन गरेर एक महिनाभित्र प्रतिवेदन बुझाउन भनिएको छ ।
Categorized in राष्ट्रिय
