काठमाडौं । राष्ट्रिय सभाको अध्यक्षमा सत्ता गठबन्धनका नारायण दाहाल निर्वाचित भएका छन ।
मंगलबार राष्ट्रिय सभामा भएको मतदानमा उपस्थित ५६ जना सांसद मध्ये दाहालको पक्षमा ३९ र विपक्षमा १७ मत परेको थियो ।
सभाध्यक्ष उर्मिला अर्यालले उक्त संख्या राष्ट्रिय सभामा तत्काल कायम रहेको संख्याको बहुमत रहेको उल्लेख गर्दै दाहाल राष्ट्रिय सभाको अध्यक्षमा निर्वाचित भएको घोषणा गरे ।
दाहाललाई सत्तागठबन्धन दल नेकपा एमाले, नेकपा माओवादी केन्द्र, नेकपा एकीकृत समाजवादी र जनता समाजवादी पार्टीले समर्थन गरेका थिए ।
त्यसअघि, कांग्रेस र लोसपाका तर्फबाट उम्मेदवार रहेका युवराज शर्मालाई राष्ट्रिय सभाको अध्यक्षमा निर्वाचित गरियोस् भन्ने प्रस्ताव बहुमतले अस्वीकृत भएको थियो ।
राष्ट्रपतिबाट मनोनित एक जनाको पद रिक्त छ ।
दाहाल मओवादी केन्द्रको २०५७ सालदेखि केन्द्रीय सदस्य हुन । यस अघि दाहाल विस्तृत शान्ति सम्झौतापछि २०६३ को अन्तरिम व्यवस्थापिका संसदमा सांसद थिए ।
२०६४ मा भएको पहिलो संविधानसभा सदस्य निर्वाचनमा चितवन–३ बाट निर्वाचित भएका थिए । २०७० को चुनावमा भने सोही क्षेत्रबाट पराजित भएका थिए ।
Categorized in राष्ट्रिय