काठमाडौं । संयुक्त राष्ट्रसंघका महासचिव एन्टोनियो गुटेरस गएराती १ बजे नेपाल आईपुुगेका छन ।
चार दिने औपचारिक भ्रमणका लागि नेपाल आएका महासचिव गुटेरसले महत्वपूर्ण भेटघाटहरू आजै गर्ने भएका पराराष्ट्र मन्त्रालयले जनाएको छ ।
महासचिव गुटेरसले आईतवार दिउँसो ४ बजे राष्ट्रपति रामचन्द्र पौडेललाई राष्ट्रपति भवन शितल निवासमा र प्रधानमन्त्री पुष्पकमल दाहाल प्रचण्ड दिउँसो २ बजेपछि प्रधानमन्त्री कार्यालय सिंहदरबारमा भेट्ने कार्यक्रम रहेको छ ।
गुटेरसले संयुक्त पत्रकार सम्मेलन गर्ने कार्यक्रम समेत रहेको मन्त्रालयले बताएको छ ।
त्यसैगरी उनले आजै नेपाली कांग्रेसका सभापति शेरबहादुर देउवा र नेकपा एमालेका अध्यक्ष केपी शर्मा ओलीलाई संसद भवन बानेश्वरमा भेट्ने कार्यक्रम छ ।
गुटेरसँगको भेट बाँकी रहेको शान्ति प्रकिया टुंगो लगाउने विषयमा नै केन्द्रीत रहने नेताहरूको भनाई छ ।
मंगलबारसम्म नेपालमा रहने गुटेरसले मंगलबार दिउँसो संघीय संसदको संयुक्त सभालाई सम्बोधन गर्ने कार्यक्रम छ ।
Categorized in राष्ट्रिय
