काठमाडौं । राष्ट्रपति रामचन्द्र पौडेलले युरोप भ्रमण रद्द गरेका छन ।
कातिक २२ गतेबाट फ्रान्स, जर्मनी र इटाली भ्रमण जाने कार्यक्रम स्थगित भएको राष्ट्रपतिका प्रेस सल्लाहकार किरण पोखरेलले जानकारी दिए ।
राष्ट्रपति पौडेल तीन देशको भ्रमणका लागि कात्तिक २२ गते काठमाडौंबाट प्रस्थान गर्ने कार्यक्रम थियो ।
जाजरकोट केन्द्र भएर गत शुक्रबार भूकम्प गएको र ठूलो जनधनको क्षति भएको भन्दै यस्तो बेला विदेश भ्रमणमा नजान राष्ट्रपतिलाई आग्रह हुँदै आएको थियो ।
राष्ट्रपति पौडेल मंगलबार विहान भूकम्प प्रभावित क्षेत्र जाजरकोट र रुकुम पश्चिम जाने भएका छन ।
Categorized in राष्ट्रिय