काठमाडौं । रानीपोखरी पुननिर्माणको कार्यले ढिलै भएपनि तिव्रता पाउन थालेको छ ।
मल्लकालीन ग्रन्थकुट शैलीमै पुननिर्माण गर्ने भनिएको रानीपोखरीस्थित बालगोपालेश्वर मन्दिरको डिजाइन तयार भएसँगै निर्माण कम्पनीसँग सम्झौता भएको छ ।
राष्ट्रिय पुनर्निर्माण प्राधिकरणका अनुसार मंगलवार भएको सो सम्झौता अन्तर्गतनै काम अघि बढ्ने जनाएको छ ।
प्राधिकारण प्रमुख कार्यकारी अधिकृत सुशिल ज्ञवालीका अनुसार बालगोपालेश्वर मन्दिर प्रताप मल्लकालीन शिखर शैलीमा हुने हुनेछ ।
पुननिर्माणको लागि प्राधिकरण र निर्माण कम्पनी सिएर तुलसी कन्ट्रक्सन जेभीबीच सम्झौता भएको हो ।
मन्दिरमा जाने पुल र पोखरी वरिपरि बगैंचा पुनर्निर्माण गर्न सम्झौता भएको प्राधकिरणले जनाएको छ । सो पुनिर्माणको लगि १४ करोड २७ हजार ५ सय ५७ रुपैयाँमा भएको हो ।
सम्झौतापत्रमा प्राधिकरण तर्फबाट सहसचिव एवं सम्पदा संरक्षण, सार्वजनिक भवन तथा पूर्वाधार महाशाखा प्रमुख शिवहरि शर्मा र निर्माण कम्पनीका तर्फबाट शान्तकुमार श्रेष्ठले हस्ताक्षर गरेका छन ।
पुननिर्माण कार्य भोत्तउपभोक्ता समितिमार्फत भईरहेकोले रानीपोखरी पुनर्निर्माण द्रुत गतिमा सँगसँगै अघि प्राधिकरणको भनाई छ ।
रानीपोखरी उपभोक्ता समितिका अध्यक्ष अजय स्थापित र निर्माण कम्पनीले आफूहरू समन्वय गरेर काम गर्ने बताएका छन । भाइटीकासम्म निर्माण सम्पन्न गर्ने गरी काम भइरहेको छ ।
विनाशकारी भूकम्पपछि भत्किएको रानीपोखरी पुननिर्माणमा कसले र कसरी बनाउने भन्ने विवाद चर्केपछि उपभोक्ता समिति निर्माण कार्य अघि बढको हो ।
अहिले यही समिति अन्तर्गत भक्तपुरका करिब ३० महिला र ८ डकर्मी निरन्तर पुननिर्माणको काममा खटिरहेका छन ।
प्राधिकरणले रानीपाखरीमा प्राकृतिक रुपमै पानी अड्याउने परिक्षण सफल भएपछि रानीपोखरी पुननिर्माण ढुक्क भएको प्रमुख ज्ञवालीले बताएका छन ।
Categorized in सम्पदा/संस्कृति