काठमाडौं । काठमाडौंको रातोपुलमा बन्धक बनाएर राखेका ११ जना भारतीय नागरिकको प्रहरीले उद्दार गरेको छ ।
विहिवार जिल्ला प्रहरी परिसर, टेकु काठमाडौंले पत्रकार सम्मेलन गरेर जानकारी दिएको हो ।
परिसरले बन्धक बनाउने गिरोहका ९ जनालाई पक्राउ गरी सार्वजनिक समेत गरेको छ ।
पक्राउ पर्नेमध्ये १ जना नेपाली र ८ जना भारतीय नागरिक रहेको काठमाडौं प्रहरी परिसरका प्रमुख एसएसपी भूपेन्द्र खत्रीले जानकारी दिए ।
उनीहरुलाई अमेरिका लैजाने भन्दै काठमाडौंको रातो पुलस्थित एक घरमा बन्धक बनाएर राखेका थिए ।
एसएसपी खत्रीका अनुसार त्यहाँ उनीहरूलाई कसैले सोधे सिरक डसना बनाउने काम गर्न आएको भन्न लगाइएको थियो ।
प्रहरीका अनुसार उनीहरुलाई यताना समेत दिने गरेको थियो । बन्धक राख्न गिरोहले मासिक ७५ हजार लिएर उक्त घर भाडामा लिएका थिए ।
उनीहरूको साथबाट विभिन्न देशका मुद्राहरू पनि बरामद गरिएको छ। प्रहरीले ‘अपरेशन डंकी’ चलाएर बन्धक बनाउने गिरोहलाई पक्राउ गरेको हो ।
Categorized in समाज