राती १० बजेबाट दोस्रो चरणको मतगणना हुने
प्रकाशित: मंगलवार, २८ मंसिर २०७८, १९ः३० बजे
- महानगरखबर
काठमाडौं । कांग्रेस सभापति चयनको लागि जारी मतदान सकिए लगत्तै आज राती १० बजेबाट मतगणना हुने भएको छ ।
मंगलवार दिउँसो साढे ३ बजेबाट सुरु भएको मतदान साँझ ७ बजे सम्म तोकिएको छ ।
महाधिवेशन प्रचार विभागका उपप्रमुख सुरेश आचार्यका अनुसार राति १० बजेबाट मतगणना सुरू हुने र ३–४ घण्टामै मतगणना सकिने छ ।
अब एकै चोटी पर्सि बिहिबारदेखि मात्र अन्य पदको मतगणना हुने आचार्यले जानकारी दिए ।
सोमबार भएको पहिलो चरणका मतदानमा सभापतिका उम्मेदवारहरुले कांग्रेसको विधान अनुसार ५० प्रतिशत भन्दा बढी मत ल्याउन नसकेपछि दोस्रो चरणको मतदान भएको हो ।
दोस्रो चरणमा सभापतिको लागि शेरबहादुर देउवा र डा. शेखर कोइरालाबीच प्रतिस्पर्धा भइरहेको हो ।
Categorized in राष्ट्रिय
