राज्यमन्त्री मानन्धर गीत गाएर विश्व रेकर्ड बनाउँदै
काठमाडौं । शहरी विकास राज्यमन्त्री रामवीर मानन्धरले गीत गाएर विश्व रेकर्ड कायम गर्ने तयारी गरेको छ ।
राज्यमन्त्री मानन्धरले शुक्रवार विश्व कीर्तिमानकै लागि अष्टनारायण सोलो कन्सर्ट आयोजना गरेका छन । सो कन्सर्टमा गाउन उनले ६०–७० वटा गीतको तयारी गरेको छ ।
स्टेजमा एकल सांगीतिक प्रस्तुति दिने पहिलो बहालवाला मन्त्रीको रुपमा आफ्नो नाम विश्वमा राख्ने राज्यमन्त्र मानन्धरको भनाइृ छ ।
लन्डनमा रहेको वल्र्ड बुक रेकर्ड भन्ने संस्थामा नाम लेखाउने मान्धरको रहर छ । वल्र्ड बुक रेकर्ड गीनीज बुक अफ द वल्र्ड जस्तै संस्था भएको मानन्धरको भनाई छ ।
मानन्धरको प्रस्तुतिको अवलोकन गर्न लन्डनबाटै वल्र्ड बुकका प्रतिनिधिहरु नेपाल आउने भएका छन । मानन्धरले केही राष्ट्रिय गीत, आधुनिक गीत र नेवारी गीतहरु गाउनेछन ।
नारायण गोपाल, भक्तराज आचार्य, प्रेमध्वज प्रधान, प्रकाश श्रेष्ठ, दीप श्रेष्ठ, तारा देवी, अरुणा लामालगायतले गाएको गीत गाउने तयारी गरेको मानन्धरले बताए ।
निःशुल्क प्रवेशको कार्यक्रममा उनले करिब ४ घन्टा प्रस्तुति दिनेछन ।
Categorized in मनोरन्जन
