काठमाडौं । सहरी राज्यमन्त्री रामवीर मानन्धरको पहलमा काठमाडौंको बालाजु आसपासका क्षेत्रमा मजदुरको लागि खानाको मेस संचालन गरिएको छ ।
लकडाउनवाट प्रभावित वनेका मजदूर तथा विपन्न वर्गका सर्वसाधारणलाई खाना खुवानको लागि मेस चलाएको हो ।
राज्यमन्त्री मानन्धरको पहलमा नागार्जुन नगरपालिका र काठमाडौं महानगरपालिका वडा नम्बर १६ र १७ मा खाना विपन्न मजदुरहरुलाई खुवाउने अभियान सुरु गरिएको हो ।
नागार्जुन नगरपालिकाको वडा नम्बर १,२ र ३ तथा काठमाडौं महानगरको विभिन्न स्थानमा सञ्चालित विभिन्न मेसमा दैनिक दुई छाक खाना खुवाउने गरिएको राज्यमन्त्री मानन्धरले बताए ।
राज्यमन्त्री मानन्धरका अनुसार महानगरको वडा १६ अन्तरगत बाइपासको तरुण मावि, गंगाहल नजिक होलीगार्डेन स्कुलसँगै, बाइसधारा स्विमिङ पुलको पछाडि बिहान बेलुकी खाना खुवाउने गरिएको छ ।
यस्तै, वनस्थली खरिबोट, सानोभर्याङ, मैपी मन्दीरको प्रांगण र नयाँबजारको सासा बैंक्वेटमा बिहान बेलुकी नै खाना खुवाउने गरिएपनि महानगरको १७ नम्बर वडाको इन्द्रायणी मन्दिरमा भने साँझको खाना मात्र खुवाउने गरिएको छ ।
Categorized in समाज