काठमाडौं । बीमा विशेषज्ञहरुले बीमाबारे विशेष प्रस्तुती तथा बीमाका नयाँ नीतिबारे जानकारी दिने उदेश्यले यही असोजमा राजधानीमा अन्तराष्ट्रिय सम्मेलन हुने भएको छ ।
राजधानीमा आयोजित पत्रकार सम्मेलनमा दिएको जानकारी अनुसार असोज ९ र १० गते विकासशील देशहरुका बीमा कम्पनी र नियमनकारी निकायको साझा संस्था एआइआरडिसी (एसोसिएसन अफ इन्स्योरेन्स एण्ड रिइन्स्योरेन्स अफ डेभलपिङ कन्ट्रिज) को २१ औ सम्मेलन हुन लागेको हो ।
यस सम्मेलनमा विकाससिल देशहरुका बीमा कम्पनी र नियमनकारी निकायका १५० भन्दा धेरैको सहभागिता रहने आयोजकले बताएको छ ।
एआइआरडिसी, बीमा समिति र नेपाल बीमक संघले संयुक्त रुपमा आयोजना गर्न लागको सो सम्मेलनमा ठुला किसिमका प्राकृतिक प्रकोप हुँदा बीमा कम्पनीहरुले वित्तीय व्यवस्थापन कसरी गर्ने भन्ने विषयमा जानकारी दिईने उपाध्यक्ष विजय शाहले बताए ।
सम्मेलनमा बीमा कम्पनीहरुले २०७२ सालको महाभुकम्पको समयमा बीमा कम्पनीले कसरी दाबी भुक्तानी गर्ने भन्ने विषयका पनि प्रस्तुती दिने भएको छ ।
Categorized in बजार
