काठमाडौं । प्रहरीले काठमाडौको जडिबुटीमा रिभल्वरसहित २ जनालाई पक्राउ गरेको छ ।
महानगरीय प्रहरी वृत्त, नयाँ बानेश्वरले सर्लाही लालबन्दी नगरपालिका–३ का २७ वर्षीय भुवन परियार र २७ वर्षीय मनपरन चौधरीलाई एउटा घरेलु रिभल्वरसहित पक्राउ गरेको हो ।
जडिबुटी ढुङ्गेधारामा बस्दै आएका उनीहरुको साथबाट नियन्त्रित लागूऔषध नाईट्राभेट ५६ एम्पुल र मोबाईल २ थान पनि भेटिएको छ ।
ड्यूटीमा खटिएको प्रहरीले ज ११ प ४८६६ नम्बरको मोटरसाइकल जाँच गर्ने क्रममा उनीहरूलाई भेट्टाएको थियो ।
प्रहरीले थप अनुसन्धान अगाडी बढाएको सञ्चारमाध्यमहरुलाई जानकारी दिएको छ ।
Categorized in समाज
