काठमाडौं । राजधानीको दुई सहकारी, वल्र्डलिंक कार्यलय, जुत्ताघर प्रा.लि., यामाहा मोटरपार्टबाट १६ लाख बराबराको धनमाल चोरी भएको छ ।
चन्द्गागिरी नगरपालिका–११ सतुङगल बस्ने श्रीकृष्ण श्रेष्ठको घरमा रहेको सहकारी संस्था, वल्डलिंक ईन्टरनेटको कार्यालय र यामाहा मोटरपार्ट गरी ३ वटा कार्यालयहरूबाट गएराति नगद ९० हजार रुपैयाँ र विभिन्न कम्पनीका ल्यापटप ४ थान गरी करीब ४ लाख ३९ हजार रुपैयाँ बराबरको धनमाल चोरी भएको छ ।
यसैगरी काठमाडौं महानगरपालिका–३ स्थित दिनेश तिमिल्सिना समेत ३ जनाले सञ्चालन गरेको नेपाल जुत्ता घर प्रा.लि., स्माइल स्क्यर डेन्टल केयर र नेशनल बचत तथा ऋण सहकारी संस्थाबाट गरी नगद १२ लाख २० हजार रुपैयाँ गएराति चोरी भएको छ ।
फरार चोरहरुको खोजतलास गर्नुका साथै यस सम्बन्धमा प्रहरीले आवश्यक अनुसन्धान गरिरहेको छ ।
Categorized in समाज
