काठमडौं । संविधानसभा अध्यक्ष तथा प्रतिनिधिसभा सदस्य स्व. सुवास नेम्वाङको विहिवार राजकीय सम्मानका साथ आर्यघाट पशुपतिमा अन्तेष्टी गरिने भएको छ ।
विहिवार सरकारले देशभर सार्वजनिक शोक विदा दिने भएको छ । नेम्वाङको अन्तिम संस्कार बिहीबार बिहान ११ बजे हुने भएको हो ।
यस्तै त्यस दिन राष्ट्रिय झन्डा आधा झुकाइने, देशभरका सबै सरकारी कार्यालयहरू, विदेशस्थित नेपाली दूतावास र नियोगहरूमा बिदा हुने र ती कार्यालयहरूमा राष्ट्रिय झन्डा आधा झुकाउने भएको हो ।
प्रतिनिधि सभा सदस्य तथा नेम्वाङको मंगलबार बिहान हृदयघातबाट निधन भएको हो ।
उनको पार्थिव शरीरलाई मंगलबार ललितपुरस्थित पार्टीको केन्द्रीय कार्यालय च्यासलमा राखिएको छ । पार्टी कार्यालयमा भोलि दिउँसो १ बजेसम्म राखिनेछ ।
Categorized in राष्ट्रिय
