रत्नपार्कको बागबजारस्थित आकाशे पुलमा वाल गार्डेन, हेरौं तस्वीरहरु
काठमाडौँ । काठमाडौं महानगरपालिकाले रत्नपार्कको बागबजारस्थित पुल तलको वालमा वाल गार्डेन सुरु गरेको छ ।
बुधवार महानगरले पार्क तथा हरियाली प्रवर्धन आयोजनाले आज २ सय वटा फूल र लहरा वोटका विरुवा रोपेका छन ।
आयोजनाले रत्नपार्क, आकाशेपुलको दुईवटा भित्ता उपयोग गरेर भित्ते बगैँचाको परीक्षण थालेको हो ।
आयोजनाका प्रमुख नवराज थापाका अनुसार फूलमा बेगमबेली र स्वस्थानी फूल (भेरेस्ता) रोपिएको हो ।
यो जातको फूल ४ देखि ६ महिनासम्म फुलिरहन्छ । यी विरुवा बढ्दै जाँदा काँटछाँट गरेर मिलाउँदै जानुपर्छ । यसबाट आफूले चाहेको आकार र स्वरुपको बनाउन सकिन्छ ।
यी आकाशे पुलका भित्ताहरु साढे ३२ मिटर लामा छन । भित्ताको जमिन सतहमा खाडल खनेर फूलका विरुवा रोपिएको हो ।
लहराउने विरुवालाई गमलामा झुण्ड्याइएको छ । यसमा विरुवा लहराउन भित्ताभरि २र२ वर्गमिटरका जालीदार बार बनाइएको छ ।
९ लाख ५६ हजार लागतमा वाल गार्डेनको कार्य सम्पन्न गरेको आयोजनाले जनाएको छ ।
तस्वीरहरुः बिज्जु श्रेष्ठ/महानगरखबर
Categorized in स्थानिय
