रंगशालाबाट ‘नेपाल भ्रमण वर्ष २०२०’ उद्घाटन हुने
काठमाडौं । ‘नेपाल भ्रमण वर्ष २०२०’ औपचारिक उद्घाटन काठमाडौंको दशरथ रंगशालाबाट हुने भएको छ ।
सरकारले भ्रमण बर्षलाई राष्ट्रिय महोत्सवको रुपमा मनाउने तयारी गरेको छ । सन २०२० जनवरी १ तारिखका दिन (पुस १६ गते) रङ्गशालामा विशेष समारोहसहित भ्रमण वर्षको औपचारिक शुभारम्भ गरिदैँछ ।
राष्ट्रपति विद्यादेवी भण्डारीले भ्रमण वर्षको औपचारिक शुभारम्भ गर्नेछिन । सो अवसरमा प्रधानमन्त्री केपी शर्मा ओलीले विशेष सम्बोधन गर्ने कार्यक्रम छ ।
भ्रमण वर्ष सचिवालयका अनुसार राजधानीमा दशरथ रङ्गशालासँगै सातै प्रदेशका मुख्य मन्त्रीले आ–आफ्नो प्रदेशबाट भ्रमण वर्षको शुभारम्भ गर्नेछन ।
भ्रमण वर्षको उद्घाटन कार्यक्रममा सरकारले ३१ मुलुकका पर्यटनमन्त्री एवं विशिष्ट व्यक्तिलाई आमन्त्रण गरेको पर्यटन मन्त्रालयले जनाएको छ । उद्घाटन कार्यक्रममा मार्चपास, विविध सांस्कृतिक प्रस्तुति हुनेछन ।
Categorized in बजार
