काठमाडौं । म्यानमारमा सैनिक ‘कू’ भएको छ । सेनाले सत्ता हत्याउँदै एक बर्षका लागि संकटकाल घोषणा गरेको छ ।
म्यानमारकी प्रजातन्त्रवादी नेतृ आङ साङ सुकीलाई सेनाले हिरासतमा लिएको सुकीको पार्टी नेशनल लिग फर डेमोक्रेसीका प्रवक्ताले वक्तव्य जारी बताएको छ ।
सेना समर्थित टेलिभिजनबाट भिडिओ जारी गर्दै सेनाले एक वर्षका लागि संकटकाल घोषणा समेत गरेको छ । सेनाले राष्ट्रपति विन मिन्टलगायत नेतालाई नियन्त्रणमा लिएको सेनाले अब शासन सत्ता प्रधान सेनापति मिन आङ हल्याइङको हातमा रहेको बताएको छ ।
सेनाले नेताहरूलाई नियन्त्रणमा लिएपछि राजधानी नेपिदअ र अर्को सहर रंगुनका सडकमा सैनिकहरूले गस्ती गरिरहेका छन भने नेपिदअको सञ्चार सम्पर्क बिच्छेद गरिएको बिबिसीले जनाएको छ ।
गत नोभेम्बरमा भएको चुनावमा सुकीको नेशनल लिग फर डेमोक्र्यासी (एनएलडी) ले सरकार बनाउन पुग्ने बहुमत ल्याएको थियो । सेनाले भने उक्त चुनावमा धाँधली भएको बताउँदै आएको थियो ।
म्यानमारमा सन १९६२ देखि २०११ सम्म सैनिक शासन थियो ।
Categorized in अन्तर्राष्ट्रिय