काठमाडौं । म्यानमारमा सैनिक कू विरुद्ध विशाल जनप्रदर्शनहरु भएका छन ।
अघिल्लो साता नागरिक सरकारलाई अपदस्त गरी कूमार्फत सेनाले शासन हत्याएपछि राजधानी नेपिदअलगायत विभिन्न सहरमा प्रदर्शनहरु भएका छन ।
हजारौको संख्यमा सहभागी प्रदर्शनकारीहरूले सैन्य कूको विरोध गर्दै प्रजातन्त्रवादी नेतृ आङ सान सुकी र राष्ट्रपति विन मिन्टलगायत नेताहरूलाई रिहा गर्न माग गरेका छन ।
सेनाले एक बर्ष संकटकाल घोषणा गरेलगत्तै सांकेतिक रूपमा हर्न बजाएर, थाल ठटाएरमात्रै नागरिकले सैनिक कदमको विरोध गर्दै आएका थिए । इन्टरनेट नै बन्द गरिदिएपछि नागरिकहरू सडकमा ओर्लिएका हुन ।
प्रदर्शनकारीहरूले मोटरसाइकल जुलुस पनि निकालेका छन । प्रदर्शनकारीले तीन औंलाको अभिवादन गर्ने शैली पनि अपनाएका छन ।
Categorized in अन्तर्राष्ट्रिय