काठमाडौं । म्यानमारमा प्रहरीको गोलीबाट २ जना प्रदर्शनकारीको मृत्यु भएको छ ।
सैनिक ‘कू’को विरोध गर्नेहरुमाथि सुरक्षा बलले चलाएको गोलीबाट दुई जना प्रदर्शनकारीको मृत्यु भएको हो । शनिबार सुरक्षाकर्मीले देशको दोस्रो ठूलो शहर माण्डलेमा सुरक्षाकर्मीले गोली चलाएका थिए ।
यसअघि पनि प्रदर्शनकारीको एक र्यालीमा सुरक्षाकर्मीले गोली चलाउँदा एक महिलाको मृत्यु भएको थियो ।
फ्रिन्टियर म्यानमारको रिपोर्ट अनुसार माण्डलेमा सुरक्षाकर्मीले चलाएको गोलीबाट एक जनाको टाउको र अर्कोको छातीमा गोली लागेर मृत्यु भएको हो ।
गत माघ १९ मा म्यानमारको सेनाले राष्ट्रपति विन मिन्ट, स्टेट काउन्सिलर आङ साङ सुकी लगायतका नेताहरुलाई हिरासतमा लिएर सत्ता हत्याएको थियो ।
Categorized in अन्तर्राष्ट्रिय